Aiways U6

Nýggi fullelektriski Aiways U6

100% elektriskur og 100% fullkomin.
Tann nýggi Aiwais U6 er ein sportligur SUV-Coupé við sniði og nýhugsandi tøkni, ið setir heilt nýggjan standard.

Bilurin er á tremur við hentleikum, sum tú næstan ikki hevði væntað tær vóru til. U6 hevur hópin av trygdarútgerð og serstakliga gott pláss er til tey ferðandi og viðføri.

Prísurin verður kunngjørdur um miðjan novembur 2022

Praktiskur SUV. Sportligur Coupé.

Aiways U6 – er ein nútímans og sportligur elbilur, har SUV og Coupé smelta saman í eina fullkomna eind, ið ger at nýggi Aiways U6 ikki smæðist burtur í rúgvini, men sæst aftur í mongdini.

Megi og tøkni í serflokki

Aiways verksmiðjan hevur sjálv staðið fyri at ment motor- og drívlinjutøknina. Nýmenti elektriski motorurin hevur heili 218 hestakreftir, ið geva tær alla ta kraft sum tær tørvar. Motorurin hevur 310Nm, ið geva tær eina einastandandi botnkraft – alt fyri eitt!

Skjótløðing uppá 35 minuttir

Battaríi er 63 kWt sum svarar til 400 kilometrar røkki sambart WLTP. Við skjótløðing (DC) (upp til 90 kW) kann U6 løða úr 20% til 80% uppá bert 35 minuttir. Eftir bert einum tíma við 11kW heimaløðara, kunnu heili 60 kilometrar løðast í battaríið.

Long garantitíð

Tú kanst trygt lýta á Aiways. 5-ára fabriksgaranti ella upp til 150.000 km er uppá bilin. 8-ára garanti ella 150.000 km er uppá battarí og drívlinju. 4-ár garanti er fyri feil í lakkinum og 10-ára garanti er fyri rust gjøgnumtering.

Framkomin tøkni

Aiways U6 er ein framkomin elbilur við klimastýrdum battaríi til gagns fyri koyristrekki og livitíðini hjá battarínum. Battarípakkin er framleiddur sum ein sokallað sandwich-samanseting, sum er eitt eindømi fyri Aiways, ið somuleiðis framleiða síni battaríir sjálvi.

Samansetingin tryggjar, at køliveska ikki kann treingja niður í sjálva battarí-selluna, um bilurin skuldi verði fyri einari vanlukku. Hetta minkar um vandan fyri skammlopi.

Alt og meira enn tað er standard

Sportligt einfeldni eyðkennir kabinuna, ið samstundis rúmar ta størsta panoramaglastakið í sínum flokki.

Set teg væl tilrættis í innbjóðandi sportligu setrini við elektriskari stilling og góðum beinplássi, ímeðan tú á smidliga 14,6” touch-skíggjanum velur tær tín yndistónleik til túrin. Telefonina kanst tú løða umvegis tráðleysaløðing, ið er sniðgjørd til sjálvt tær allar størstu fartelefonirnar, ið finnast á marknaðinum í dag.

Mest sum allar trygdar- og assistentskipanir eru standard. Heili 22 radarar og myndatól tryggja, at tú, tey ferðandi og onnur í ferðsluni eru tryggari enn nakrantíð fyrr. Aiways 6 er á tremur við framkomnari tøkni – við tí endamáli – at gera túrin smidligan og tryggan.

Framleiddur á framkomnari bilaverksmiðju

Aiways U6 verður framleiddur á spildurnýggjari bilaverksmiðju í Shangrao, ið liggur í ein útsynning úr Shanghai. Verksmiðjan er innrættað við nýggjastu tøknini. Framferðarhátturin er við nýmótans robottum og framleiðslutøkni frá týskum og sveisiskumm fyritøkum, sum eitt nú ABB og Siemens.

Verksmiðjan er 90% sjálvirkandi, og á verksmiðjuni starvast áleið 1200 fólk. Nøgdin av framleiðsluni er á 150.000 bilar árliga, tó er verksmiðjan útgjørd til at kunna koma upp at framleiða 300.000 bilar árliga, og skal somuleiðis megna at framleiða 6 ymisk snið.

Tann samlaða íløgan í verksmiðjuna er áleið 13 mia. danskar krónur.