Leiðari til verkstaðin

Berg Motors er í stórari menning, og sóknast vit tí eftir einum eldhugaðum og vælskipaðum verkstaðsleiðara til okkara persónbilaverkstað.

Sum verkstaðsleiðari hevur tú ein lyklaleiklut hjá okkum, og ert við til at mynda okkum yvirfyri viðskiftafólkum og veitarum. Tí er sera umráðandi, at tú ert útvend/ur og fyrikomandi.

Arbeiði fevnir í høvuðsheitinum um:

  • Kundamóttøka- og samskifti
  • Innskriving og fakturering
  • Skipan og góðskutrygging av dagliga arbeiðnum
  • Samskifti við okkara veitarar viðv. umvælingum og garanti
  • Handfaring og dagføring av garanti arbeiði
  • Vegleiðing og førleikamenning av verkstaðstoyminum
  • Dagføring og viðlíkahald av verkstaðnum
  • Yvirskipað fíggjarlig ábyrgd

Vit leita eftir einum biltøkningi, ella einum við hollum royndum innan bilar og biltøkni. Eisini er ynskiligt, at tú hevur royndir innan líknandi framleiðsluarbeiði og toymisleiðslu, umframt innlit í fíggjarlig rakstrarviðurskifti. Teldukunnleiki á góðum brúkarastøði er ein treyt.

Somuleiðis vænta vit, at tú hevur eitt lætt og opið lyndi, og at tú dugir væl at samstarva- og samskifta við bæði viðskiftafólk og starvsfelagar. Eisini tá løturnar eru avbjóðandi.

Vit bjóða eitt spennandi og fjølbroytt starv í einum arbeiðsplássi í støðugari framgongd. Hjá okkum eru uppgávurnar bæði avbjóðandi og spennandi, og tú kemur at arbeiða í einum jaligum og óformellum umhvørvi, við ábyrgd av dugnaliga mekaniska toyminum á verkstaðnum. Vit leggja nógvan dent á persónligan- og sosialan trivna og førleikamenning, soleiðis at okkara starvsfólk, í góðum arbeiðsumhvørvið, altíð eru væl ílatin til at útinna sínar uppgávur til fulnar. Starvið verður sett skjótast gjørligt, tá rætti viðkomandi er funnin. Løn verður avtalað sambært útbúgving og royndum.

Ynskir tú at vita meira um starvið, ert tú vælkomin at seta teg í samband við Mikael Bisp á tlf. 350 114 ella á teldupost [email protected]

Send okkum umsókn við prógvi, CV og møguligum viðmælum umvegis heimasíðuna ella til [email protected]

Bilsmiður til okkara mekaniska verkstað

VIT TVÍFALDA ÚRVALIÐ AV BILMERKJUM
Og tí leita vit eftir bilsmiði til okkara mekaniska verkstað

Vilt tú gerast partur av einum arbeiðsplássi í spennandi menning, og at verða við til at seta tín dám á okkara verkstað? So er tað møguliga tær vit leita eftir.

Vit søkja eftir dugnaligum og nærløgdum bilsmiði, við áhuga í at arbeiða og mennast innan nýggjastu tøknina. Tínar arbeiðsuppgávur eru millum annað vanligt viðlíkahald og eftirlit, mekaniskar umvælingar, feilfinnan/diagnostisering, umframt aðrar tøkniligar avbjóðingar.

Vit vænta, at tú hevur útbúgving sum bilsmiður, og enn betri, um tú eisini hevur góðar royndir. Somuleiðis vænta vit, at tú ert álítandi, røkin, hevur gott sjálvstøðugt handalag, tekniskt tev og dugir væl at samstarva og samskifta við onnur.

Vit bjóða eitt avbjóðandi og mennandi starv, í einum arbeiðsplássi í støðugari framgongd. Hjá okkum eru uppgávurnar bæði fjølbroyttar og avbjóðandi. Tú kemur at arbeiða í einum jaligum og óformellum umhvørvi, har tú verður partur av dugnaliga og væl smurda mekaniska toyminum á verkstaðnum.

Vit leggja dent á persónligan- og sosialan trivna, og tað hevur stóran týdning, at okkara starvsfólk eru væl ílatin til at útinna sínar uppgávur til fulnar, og tí bjóða vit góðar møguleikar fyri fakligari menning.

Starvið verður sett skjótast gjørligt, og løn verður avtalað sambært útbúgving og royndum.

Ynskir tú at vita meira um starvið, ert tú vælkomin at seta teg í samband við Mikael Bisp á tlf 31 35 35 ella umvegis teldupost til [email protected]

Send okkum umsókn við prógvi, CV og møguligum viðmælum umvegis heimasíðuna ella til [email protected]

Soleiðis brúkar tú dekk bøtiútgerðina

Soleiðis brúkar tú dekk bøtiútgerðina

Flest allir nýggir bilar hava ikki eykahjól, men verða veittir við serligari bøtiútgerð. Vit vilja við hesum greiða frá hvussu útgerðin í fleiri førum kann vera ein góð hjálp, um tú ert so óheppin at punktera.

Stig 1/10

Set bilin á slætt og fast undirlag burturfrá ferðsluni. Set ávaringartrýkantin fram. Tendra ávarðingar blunkljósini, um tú metir tað vera neyðugt.

Stig 2/10

Kanna dekkið og met um bøtiamboð kann brúkast. 1: Punteringin má ikki vera størri enn 4 mm í diametur. 2: Rivur mugu ikki vera á dekksíðunum og felgan skal ikki vera skødd. 3: Tak IKKI burtur seym, skrúvu ella annað úr dekkinum.

Stig 3/10

Tak bøtiútgerðina úr viðførisrúminum. Hesir fimm lutir eiga at vera saman við útgerðini. 1: Luftkompressari. 2: Fløska við bøtivesku. 3: Luftslanga. 4: Streymstikk (12Volt) 5: Max 80 km/t feravmarkingarlepi.

Stig 4/10

Tak lokið av fløskuni við bøtivesku og skrúva fløskuna í kompressaran.

Stig 5/10

Skrúva ventilhettuna av ventilinum og set kompressaraslanguna væl á ventilin.

Stig 6/10

Set streymstikkið frá kompressaranum til 12 voltsstikkið í bilinum.

Stig 7/10

Tendra motorin. Tendra kompressaran og pumpa dekkið upp til rætta dekktrýstið (kunning um rætta dekktrýst finnur tú oftast á hurðastópanum í førarasíðu á bilinum). Tað eigur í mesta lagi at taka 10 minuttir at pumpa dekkið upp. Tekur hetta longri tíð, kann punkteringin ikki verða bøtt á hendan hátt.

Stig 8/10

Tú kanst koyra tá dekkið er pumpað upp, men koyr varliga og ikki skjótari enn 80 km/t..

Stig 9/10

Tá tú hevur koyrt áleið 10 kilometrar, kanna tá eftir at lufttrýstið framvegis er ílagið. Um neyðugt, fyll so meira luft í dekkið. Er dekktrýstið framhaldandi støðugt, kanst tú koyra til nærmasta Suzuki-umboð at umvæla dekkið á fullgóðan hátt.

Stig 10/10

Víst verður eisini til leiðbeiningarbókina ella framsíðuna á kompressaranum, har eisini verður greitt frá hvussu bøtiútgerðin skal brúkast. Misnt til at keypa nýggja fløsku við bøtivesku, sum tú leggur í bilin, um tú aftur skuldi verið so óheppin at hava brúk fyri tí aftur.

Scroll to Top